الحلم!..

من طرف ToOoT الثلاثاء مايو 15, 2007 1:47 pm

بوقت من البطا,وبليل تتراقص شياطينه

بعد شفت الضيا ينزع من ثياب المسا..ثلثين

تحايلت المنام اللي مثل بيتكـ تمرينه

وانا اللي من تفارقنا ,وانا غمضت لي عين

غريبة!!..كل حلم يمر برقادي تزورينه

والاغرب كيــف احلم الحلم,وارجع واحلمه بعديـــن؟!..

قبل يومين,شفتكـ بالمنام..وقمت من حينه

ونمت امس,ورجع نفس المنام اللي قبل يومين

انا الـلي قبل اسافر شلت قلبي من شرايينه..

تركته في يدكـ مثـل ألأمانـه,واحفظيـها زين..

ترى (حفظ الأمانه دين)..مجبوره تردينه..

أجل,ما فيه احد كد قال لكـ:حفظ الأمانه دين؟؟..

مرد المقفي بيلفي...ويستوفي,وتوفينــه

بعد لية,ثلاثه,اربعه,عشره,شهر,شهرين,..

اذا انتي ما انتي بقـد الكلام الـلي تقولينه..

حرام...استأمنكـ حاجه..واذا جيت اطلبكـ تنسين

((((تخونين ,وتبين ارضى!..واحد يرضى تخونينه))))

انا لا جيت اخونكـ مع حبيبه ثانيه,تــــــــرضــــــــيــــــن؟؟؟..

من اول رجعت من السفر ما شفت لكـ بينه؟!.

وانا اللي كنت احسبكـ قبل ادوس ارض المطار...تجين!.

تكونين انتي اول شخص عيني تحتضن عينه..

وكنت اتخيلكـ من زود فرحة رجعتي...تبكين..

واشوف بدمعتكـ حكيكـ..واعرفه قبل تحكينه..

واجيب احلى من الـلي بتحكينه,واترككـ تحكين..

تقولين:الوطن نور..واقول بنور مضوينه..

تقولي لي:غديت احلى,واقول:عيونكـ الحلوين..

كلام نام بشفاهكـ...وخفتي لا تصحينه..

ذخرتيه لغرام الـلي ينام...ويترككـ تصحين..

تغانمتي غيابي... لين رجحتي موازينه..

تعلم من يدكـ لمس الكفوف,وعلمكـ تجفين..

وليتكـ لاقيه به شي..فيني ما تلاقينه..

مهو بغرور... لكن خابركـ مالكـ امل تلقين..

تغافلكـ بغلا..والا الحلا ما هوب من زينه..

تزينه الصور.. بس الصحيح (ابن الحلال)زويـن

وانا ماني بناقص عنه يوم انكـ تبدينه...

نصيبي.. هو نصيبي لو يسددها من الصوبين...

قنوع بمظهري,والسم ما يذبح ثعبانه..

"على قول المثل":ماني حلو..لكني ماني شين..

اذا اهداكـ الزهر مره,فـانـا اهديتكـ يساتينه....

واذا الهاكـ بفرح ليله,فانا تهت لبكاكـ سنين..

واذا استضعقتكـ املاكه... وشتتكـ ملايينه...

""انا حتى فتـــــــــــات الخبز اقسمها معكـ نصيــن""

طموحي,بس اجي واظفر بشي تستحقينه...

تدينته,تسلفته,سرقته,مو مهم منين..

كأني من كثر ما ارضى بكل الـلي تمنينه!!..

لو انكـ تطلبين الله..يعنيـني,بقول:آميــــن..

(انا ما العب على الحبلين)..وقت الطيش وسنينه..

تبين الحين يوم اني كبرت..(العب على الحبلين؟)..

ترى عند البدو بالذات عيب اللي تسوينه..

حلاتكـ لا عشقتي..تعشقيني ليوم الديـــــــن..

غرام نسكن ضلوعه..حشيمه من مجانينه..

جفـا,يجمع معزتنا...ولا عشق يذل اثنين..

كثـار الـلي تحدوني,وقالوا لي:تحبينه..

امانه..لا تخليني صغير بعينهم..تكفيـــــــن

لأني كل ما قالوا Sad

(تخون))..اقول:مسكيبنه..

عليكـ الله وامانه..علميهم من هو المسكين!..

انا خايف (ليا طاح الجمل تكثر سكاكينه)..

وانا ما عادت ضلوعي تحــــــــمل طعنه السكين..

مثل ما قالوا:المكتوب واضح من عنوانه..

لو ارحل منكـ للغربه..بسافر من ظلامكـ وين؟

كفايه..كل حلم يمر برقادي تزورينـه!!!..

قبل يومين شفتكـ بالمنام,وقمت من حينه ..

ونمت امس,ورجع نفس الامنام اللي قبل يومين!!! Crying or Very sad