شالديرة؟؟؟!!!

من طرف shayoom الأربعاء مايو 02, 2007 2:20 pm

السلام عليكم... شلونكم؟؟ شخباركم؟؟

وصلني ايميل وعجبني حيل قلت ما ابخل فيه عليكم

تفضلوا...... Smile

شالديرة .... إللي اللفو صاروا فيها سادة و ساسة وأعيان .... !!! إللي ياك من البر سنة 70 و على دشداشته مرق ولبن صار سيد البرلمان .... وولد عمه ياك من درعا سنة 77 وصار مُدافع حقوق الإنسان .... هم في البرلمان ...!!! وإللي ياك خادم من إيران قبل سبعين عام ، واشتغل مع الصبيان ... يصب شاي و قهوة للأعيان ..!!! فجأة صار ملياردير و اقتصادي هُمام ... !! ونسى أصله وإنه كان من العبيد و الصبيان !!! و اللي يذبحك ، إن أعيالهم صدقوا أن آباؤهم صاروا من علية الشان ... وصدقوا كذبة أنهم من الأعيان ... ونسوا أن آباؤهم خدم و صبيان ...!!! وهات القهوة ياصبي ..!! حازر .... تال أمرك !!!!!! وسلم لي ع اللهجة !!!

شالديرة .... إللي البنات يلبسون على سنجة عشرة و حسبالك رايحين عرس ، وإلا وين رايحين ,,؟ جمعية الشامية !!!!!!

شالديرة ... إللي الممثلين بالمسرح يظغطون الجمهور !!! يالحبيب إللى قاعد باللوج بو ثلاث دنانير سكر حلجك !!!! نفس مسرح برودواي بنيويورك بالضبط !!!

شالديرة .... إللى منتجين المسرحيات المليقة يؤجرون كمبارس ويقعدونهم بآخر سطر عشان يضحكون على سخافة المسرحية ويعطونها جو ...!!! هاهاهاهااااو .... خالي !!!!

شالديرة ..... إللي البشر بالخط السريع و حد الدوسه و الحبيب قاعد يكتب مسج بالموبايل !!!! يالظالم خط سريع وتكتب مسج !!!! وشنو عاد المسج ؟ أكيد حق الصاحبه : أحبك والله .!!!!! جذاااااب !!!

شالديرة ...... إللى الواحد بمحطة البانزين وفتحة بانزين سيارته يمين بس يروح يترس صوب اليسار ، و إذا الفتحة يسار راح يترس صوب اليمين ... وبعدين يمد الأنبوب ويتمصع ... و عباله.... وبهذلة ...!! طيب ليش ؟؟؟ صف بالدور وأندطر دقيقتين ... الله يهداك و الله ... وإلا أقول شلون ...!!!! الله ياخذك إن شاء الله !!!

شالديرة ... إللى فيها 7000 نوع حجابات !!! أبيض ... أسود .... ملون ..... دبل ..... أبو قوطي نيدو من ورا ..... حجاب أبو تراجي ..... أبو قذلة ..... أبو حنج !!!!! أحلى شئ بو حنج !!! جنك قاعد بطهران !!!

شالديرة ..... اللي فيها واحد خلى موضوع حضور منتخب البرازيل للديرة مسألة أمن قومي ... أييبهم أييبهم .... غصب طيب ... أييبهم .... !!!! والله ما حلمنا لا فيهم ولا فيك ..!!! يبتهم وإلا ما يبتهم !!!! وبعدين أخاف أمخلي الدخلة إبلاش !!! مو جنه التذكرة ب 100 دينار !!! و الكبينة ب 2000 دينار !!!!

بس الصراحة ... كاكا مات من الخرعة لما شاف المنشأة العظيمة : نادي الكويت الرياضي ......!!! و رونالدينيو شخصياً قال : حشى والله !!! والحشى عن 1000 يمين !!! لازم أوقع والعب حق العميد !!!! لازم ... لازم ... لازم !!!! أضحك و إلا أبجي !!! لأ أبجي أحسن !!!!

شالديره ..... اللي إذا واحد أو وحده زلق أو زلقت بمول و إلا بالجمعية !!!!! اللي حواليه بدال ما يساعدونه يضحكون عليه .... وبعدين تسمع صوت حقير من بعيد .. ( هااهااهااهاي !!! )

شالديرة ..... إذا شافوا واحد بمكان عام يقرأ كتاب يضحكون عليه ... ! هه هه هه هه هه : شالمعقد !!! شنو انجليزي ؟ ولابس نظارة بعد !!! أبو أربع عيون !!! كاااك !

شالديرة .... اللي الشاطر بالمدرسة يسمونه ربعه الخمة : الفلسطيني !!!!!!!!

شمعني فلسطيني يعني ..!!! ليش مو ياباني ؟؟ !!!! والله سخافة !!

شالديرة ... اللي الكل فيها يشكي من لوعة الكبد بعد نومة الظهر .... ومحد يطوف نومة ..... الظهر .!!!!!

شالديرة ... إذا الخط السريع واقف من الزحمة ... ياك الراهي حد الدوسه بحارة الأمان !!! لا حيا ولا مستحى !!! وإذا خزيته ... رد عليك بكل وقاحة : خير شتبي !!!؟ يبا مابي شئ !!!! سلامة عمرك !!

شالديرة ... اللي البشر يتكلمون فيها عن الكرامة وعزة النفس ليل نهار .... وبعدين .... ثلاث أرباعهم صاروا طراروه و شحاتين حق .... منحة سالم العلي !!!!!

سلم لي عالأنفة !!!!!

شالديرة ... اللي شاعر فيها يؤلف كلمات أغنية تقول : طاطو طاطو .. ترى ياكم الأخطبوط !!!!!!!! وبعدين يفوز بجائزة أحسن شاعر بالخليج !!!!! وعلى قولة محمود عبد العزيز بفلم الكيف : أديني بالهايف .. أحبك يانننس !!!

شالديرة ... إللي مذيعة صغيرة جلحة ملحة حلية يسمونها : قطة الشاشة !!!!!! عيل ديبرا مانشيني أجمل جميلات مذيعات ال سي أن أن شسمونها ؟؟؟ العتوي !!

شالديرة .... إللى مذيعة ماسخة بطريقة كلامها وحجيها و تصنعها السخيف و قالبه الديرة فوق تحت من ثلاث سنين !!! ولو تسأل أي طالب وإلا طالبة بالجامعة : تعرف أحمد مشاري العدواني ؟؟؟؟ قال لك : بأي نادي يلعب هذا !!!!!

هذا اللي ألف نشيدكم الوطني يا .... سادة !!!!! وإلا بس فالحين بهز العلم بحفلات هلا فبراير !!!! ( اللي ما أدري شلون صادر هلا فبراير بشهر مارس !!!!! !)

وإديني بالهايف أحبك يا ..... !!!!

شالديرة .... إللي فيه 14 نادي سكه !!! أقوى نادي فيهم ما يقدر يقايش بالدوري اليمني !!!! ويلعبون 5 بطولات محلية !!! كأس الشهيد وكأس الأسير و كأس القتيل و كأس الغريق .... وكأسك يا وطن !!!!

وفيها رئيس النادي أهو نفسه رئيس اللجنة الأولمبية و رئيس الهيئة العامة للرياضة و عضو بمجلس الأمة وعضو بجمعية جليب شيوخ وعضو بنادي الصيادين وعضو بإتحاد المزارعين و عضو بفرقة ... معيوف !!!!

شالديرة ..... اللي ما فيها ملعب زين ، ولا مدرج زين ، ولا أرضية زينة ، وتصوير المباريات يفشل .. والمباراة حاضرينها 23 آدمي ... منهم 17 أعضاء بالنادي والباقي داشين تزريق بدون فلوس !!! و تقولهم ليش ياجماعة مزرقين ؟؟؟ يقولك : كيفي كويتي !!

شالديرة ..... إللي ما فيها مستشفى حكومي سنع !!!!! المبنى والممرات من داخل جنها معتقل غوانتنامو ..!!! و المواعيد إنسي !!!! تبي موعد ؟؟؟ بعد سنة !!! طيب شلون جذيه يمكن أموت قبل الموعد ..!!! إيه روح موووت !!! عادي !!

شالديرة .... اللي فيها حجي يديد عجيب غريب .... !! إمشاري !!! أفطور ..... أسحور ..... أريوق ....!!! أي شئ !!! أميطه !!!!! يبيله !!!!!! يامعوعو !!!! أشلخني !!! طاب حالك !!!!! شمسوي بعد !!! ........... والله مو مسوي شئ !!!! شالخرابيط يا جماعة ...!!!!!

شالديرة .... اللي فيها وليد علي يلعب بالمنتخب ....!!!!!!!!!!!!!!!!!!!!!!!!!!!!!!!!!!!!!؟؟

شالديرة .... اللي واحد مغمور نفس بشار الشطي يصير فجأة مشهور !! وأخوه يصير هم فجأة ..... مغرور!!!!!!!!!!! كوجة مرحبه ... خالي !!!!!!!!

شالديرة ...... اللي فيها نجم نجوم ستار أكاديمي أحمد داوود يستقبله خمس ألاف شخص بالمطار استقبال الفاتحين .. وينطرونه بالصراخ والورد ... ويركبونه ليموزين !!!! وأحمد العازمي بطل الكويت في ألعاب القوي يطلع بالمركز الأول ببطولة العالم لألعاب القوى للشباب .. ويرجع بالمطار ... بس محد يدري عن الهوى داره ... حتى تُكتُك ما ركبوه ....!!!! و يا متكتك ..... الكأس إلك ..... لك وحدك من غير شك .... وسلم لي ع الطرب الأصيل !!!! وعاشوا السامعين !!!

شالديرة .... اللي فيها لاعب شوارع بالمنتخب ويصرح بالجرايد : آنا راح أنسّي جمهور الكرة .... جاسم يعقوب !!!!!!! جاسم يعقوب مرة وحدة يا الظالم !!!! أنت تركض و إنت مجندس !! والكره ما تعرف تسكنها !!!! الشره مو عليك !!! الشره على الجريدة اللي حاطه تصريحك !!!!

وأوه يا الأزيرق العب بالساحة ..!!! لأن الأزيرق مو كفو يلعب بإستاد محترم .... حده يلعب ... بالساحة !!!!!

انشالله الموضوع نال اعجابكم ولا تبخلون علي بالردود cheers

اختكم: شيوم

من طرف **m7sn0** الأربعاء مايو 02, 2007 5:46 pm

لووووووووووووووووووووووووووووووووووووووووووووول

شالديرة .... اللي فيها وليد علي يلعب بالمنتخب ....!!!!!!!!!!!!!!!!!!!!!!!!!!!!!!!!!!!!!؟؟ :p

مشكوره شيوم عالموضوع